至尊重慶雞煲 (堅拿道西) (已結業)

天氣凍，同朋友去銅鑼灣鵝頸橋食至尊重慶雞煲，雞煲以放題形式，任點任食，每位都係$158全包價。坐下見有點心紙，多款餸可點，先叫少辣度的雞煲，醫下肚先。雞煲較重口味，少少辣味，除辣椒，還有大蒜，洋蔥，豆寇，花椒的香料，雞件大大件，二人有半隻雞，都夠晒，食完叫店員加湯再打邊爐。門口入到餐廳位置，有熟食小食即時品嚐，有手拍青瓜，茶葉蛋，雞腳，還放了醬料，自選混醬，旁邊還可夾韮菜餃，點了多款配料，火鍋當然唔少得有美國肥牛，夠薄唔算太多肥肉，叫了脆魚皮，夠酥脆。還有彈牙蟹籽丸同貢丸。剔了一份的份量，每樣少少剛好夠兩個人食，可食到多款配料，蔬菜夠多選擇，響冬天，還有最喜愛的通菜，有好多餐廳唔太時令的菜來貨較貴就減少選擇，呢度難得咩菜都有。飲品到雪櫃自取任飲，還有特色汽水、飲品、仲有自取椰青水清熱解渴。158元一位，非常抵食，同一大班人，夠經濟男女皆宜。