影片
更多
2017-10-24
335 浏览
天氣涼左想打邊爐，見到呢間原味專門店有烤魚雞煲放題，任食兩個鐘全包價$98 每位，即刻攞位食先。因為兩位就只可揀一個雞煲或一個烤魚做窩底，四位以上先可以叫兩個煲，我地揀左椰子雞煲湯底，因為烤魚有辣，朋友唔食辣唯有下次約多d人先試埋烤魚。而任點的配料不是很多，最想食蝦但無。因為平，不配料選擇相對是無咁貴的食物。椰子雞湯底，超濃烈椰子味，d雞食落完全滲透椰子香，推介！打邊爐未滾起之前，仲可以出去攞任食的熟食，炆豬手，韮菜豬紅，咸菜豬肚湯，呢d 要炆要煮的，全都好入味，好啱食開中菜的胃口，完全交足功課，估唔到咁平都有咁好質素。仲有炸雞翼，好脆卜卜，咸味剛好，食到要飲啤酒，好彩飲品有啤酒氣水同竹䉀水任飲。仲有蒸魚肉燒賣同馬拉糕，呢d就一般質素啦，味道是街邊小食檔一樣，反正不會食太多，主要是打邊爐。雞有半隻，都多，我鍾意食雞翼尖，雞翼尖都夠淋夠入味，任食的點菜單食物唔算多，魚蛋食先，魚蛋都入晒椰子香味，無點醬料都好味。最開心有脆肉鯇魚片，雞肉同豬肉都幾好食，覺得滑同有肉的鮮味，反而牛肉差d, 肉質感覺無咁新鮮。因為脆肉鯇好食，加點，還有丸類，第一輪都上唔齊，加單先有。丸類就失色d, 選擇不多，呢
因為兩位就只可揀一個雞煲或一個烤魚做窩底，四位以上先可以叫兩個煲，我地揀左椰子雞煲湯底，因為烤魚有辣，朋友唔食辣唯有下次約多d人先試埋烤魚。而任點的配料不是很多，最想食蝦但無。因為平，不配料選擇相對是無咁貴的食物。
椰子雞湯底，超濃烈椰子味，d雞食落完全滲透椰子香，推介！
打邊爐未滾起之前，仲可以出去攞任食的熟食，炆豬手，韮菜豬紅，咸菜豬肚湯，呢d 要炆要煮的，全都好入味，好啱食開中菜的胃口，完全交足功課，估唔到咁平都有咁好質素。
仲有炸雞翼，好脆卜卜，咸味剛好，食到要飲啤酒，好彩飲品有啤酒氣水同竹䉀水任飲。仲有蒸魚肉燒賣同馬拉糕，呢d就一般質素啦，味道是街邊小食檔一樣，反正不會食太多，主要是打邊爐。
雞有半隻，都多，我鍾意食雞翼尖，雞翼尖都夠淋夠入味，任食的點菜單食物唔算多，魚蛋食先，魚蛋都入晒椰子香味，無點醬料都好味。
最開心有脆肉鯇魚片，雞肉同豬肉都幾好食，覺得滑同有肉的鮮味，反而牛肉差d, 肉質感覺無咁新鮮。
因為脆肉鯇好食，加點，還有丸類，第一輪都上唔齊，加單先有。
丸類就失色d, 選擇不多，呢隻墨魚丸食落覺得好多粉，似食粉漿多過肉，不推介。
埋單兩位$196,同食晚飯小菜差不多價錢，不過對火窩配料有要求的話就不會喜歡這裡少選擇，同丸類都不太推介，但熟食我就好推介，因為好味，真係妹仔大過主人婆。
张贴
