龍驤 (已結業)

今日去開尖東個頭，以前個邊係美食集中地，依家再訪原來換左好多新面孔，就如喺經過新文華中心，發現呢間抵食高質日本料理。佢做緊午市八折，內裏裝修好有日本風，留意返lunch 只做到三點。我地要左兩份定食lunch set，分別係魚生飯同銀鱈魚。每款set都會跟上沙律同麵豌湯。首先魚生飯大大份，滿滯的刺身粒完美地遮蓋白飯，雜錦魚生有三文魚、吞拿魚、同蟹籽，魚生好有鮮味，大大粒，壽司飯都好軟熟。另一份銀雪魚外皮煎得好香脆，魚肉非常嫩滑，白飯用上珍珠米，粒粒飽滿，充滿飯香。另外一再加左份小食，雜錦天婦羅，有炸金茹、炸蝦、茹同秋葵，賣相美觀，炸粉夠薄，上碟熱辣辣，好好味！整體來講，食物質素高，人均二百食到正宗日本料理。