麪譜車仔麵 (已結業)

大埔區好多平民食店，呢間新開車仔麵，裝修富有懷舊風味。車仔麵點菜紙別出心裁，入邊啲字都幾搞笑。車仔麵兩餸一麵$32、三餸一麵$41、加配每款送$9。揀咗沙嗲牛柏葉、瑞士留學雞翼、陳皮魚蛋、酥炸蝦卷、時菜配「是旦麻辣汁」「無FEEL（小辣）」（餐牌字咁寫好搞笑😆）。牛柏葉爽口，雞翼幾入味。酥炸蝦卷大大條。湯底微辣，配咗米線幾好！另一碗揀咗麻甩辣魷魚🦑、秘「魯」腩仔肉、萬年滷大腸、手打魚肉、紫菜、生菜🥬粗麵配hea底牛腩汁。滷大腸入味好食，辣魷魚幾香。小食揀咗涼拌糖心皮蛋$25 及韭菜豬紅$30，糖心皮蛋有少少麻辣味道、香辣。韭菜豬紅韭菜好香，豬紅好食！當然要叫返杯凍奶茶及凍檸茶！