阿四車仔麵 (已結業)

疫情終於好返少少，戲院又重開當然要喂飽下自己眼福為飽眼福嘅前提之下當然要為飽個胃見到戲院附近有間車仔麵店我想先俾佢個環境就吸引住好似coffee shop一樣咁靚落地大玻璃再加上工業風嘅裝修唔講唔知以為係一間coffee shop原來係車仔麵檔當然要入去試吓啦首先，佢嘅車仔麵嘅湯底配搭佢嘅沙嗲醬，味道一流，又有沙嗲醬香味又帶有少少辣，餸特別要讚嘅，就係佢嘅豬紅，佢唔似我哋平時出面食嗰啲有腥味，而係食到鮮味。佢啲蘿蔔索左啲沙嗲汁之後，特別入味，再加上佢啲魚蛋墨魚丸，咖喱魷魚都幾彈牙，所以呢碗車仔麵性價比都好高，出面已經好難搵到咁平嘅車仔麵，佢仲要喺旺角可以做到咁平價錢，餸又多料，物超所值。另外我哋都嗌左啲小食，佢嘅炸燒賣$20份量已經好多，佢啲瑞士雞翼更加係煮到啱啱好唔會過熟又唔會生，入哂豉油味。友人太飽 都因為我叫左碗車仔麵佢又叫左4樣菜 雞腎 豬大腸 炸墨魚卷佢嘅糖心蛋入面更加有少少酒味，食起嚟特別甘香，所以呢間車仔麵係一個字可以形容，正！