食得福湯麵 (已結業)

放學自己一個食飯，去咗學校附近嘅食得福車仔麵，聽講呢間車仔麵已經喺呢頭好多年，係近年先搬入呢個鋪位。裝修新淨企理，光線充足。呢到嘅車仔麵係以全自助形式，排隊落單，即叫即淥。睇住啲餸嚟叫最容易叫多咗餸，樣樣睇落都想食😂🙈價錢都算平，仲包埋嘢飲。三餸一麵 HKD$39四餸一麵 HKD$43好足料嘅四餸車仔麵🤤豬頸肉 - 肉質爽脆。牛腩 - 炆得入味，肉質較腍。墨丸 - 略嫌太粉，同細粒。白菜仔 - 份量多，淥得啱啱好，清甜清脆。芫荽，蔥，冬菜都係自助👍🏻凍檸茶檸檬俾得唔孤寒，有成4-5片。不過茶底澀咗少少。