鉄火堂 (厚福街)

营业中

休息中

去開尖沙咀，梗係埋厚福街搵野食！經過就俾呢間既$69 一個飯，又有燒肉又有魚生食！就入去試吓啦！出示學生證仲有折扣優惠添！自選魚生丼（4款）簡左碎蔥吞拿魚、芝士蟹籽、帆立貝同三文魚（2切）吞拿魚同芝士蟹籽目測唔只20g !! 係老實商人！而且芝士蟹籽味道鮮甜得來又有少少芝士嘅鹹味，非常驚喜，撈飯食一流！三文魚🍣同帆立貝夠哂肥美同新鮮！而且仲有一小碟枝豆送！😚自選燒肉丼（2款）簡左燒美國穀飼豬梅花肉同燒特選牛五花兩樣都係有50g ! 啖啖肉！流心蛋黃同燒肉汁要撈埋一齊食！珍寶蜜桃梳打見到隔籬枱有杯巨大化嘅粉紅色梳打！所以都叫咗一杯嚟飲！甜度適中！一杯可以抵三杯！天氣咁熱，真係要飲多幾杯凍嘢消暑！蟹籽沙律超大碗，啖啖蟹籽！