麗晶軒 (已結業)

麗晶軒地址 九龍灣宏光道80號麗晶花園商場地下G8號舖年廿九，臨近歲晚去搵朋友，今次就去到麗晶花園度食下野，同朋友相聚，就梗係飲茶食點心啦，所以就聽朋友講去左麗晶軒度試一試。兩個人，叫左一份蟹籽鮮肉燒賣皇、麗晶蝦餃皇、鮑汁叉燒包、原隻鮮蝦腸粉、鳳爪排骨飯同埋紅燒乳鴿。性價比來講都幾抵，加埋都係200幾蚊，但係就食到平時酒樓個D特點、大點，份量又唔細。好似蟹籽鮮肉燒賣皇、麗晶蝦餃皇咁，大大粒，肉汁又夠，好耐都無食過咁足料嘅點心。至於個原隻鮮蝦腸粉，D蝦大大隻唔在講，腸粉本都夠哂滑，加埋豉油，一流。鮑汁叉燒包同鳳爪排骨飯，夠哂入味，食叉燒包最緊要係個內涵，佢交足貨；至於鳳爪排骨飯，鳳爪夠哂入味。最後就梗係要講紅燒乳鴿，剛剛出爐夠香口，肉汁多，仲跟埋蝦片，過到哂口癮。