喜惶點心專門店 (已改名) 查看

今個星期行過女人街，見到好多人食呢間點心，於是就入去食下。叫咗我最鍾意的晶瑩鮮蝦餃，入面好多蝦好新鮮，皮夠薄，入面d蝦多到脹卜卜。竹炭熔岩流奶黃包呢個流沙流黃包真係好驚喜，第一次食黑蚊蚊嘅包，食落去麵包真係有啲竹炭嘅味道，奶黃係流沙嘅，一搣開個包就流晒出嚟，勁香勁甜。蒜香南瓜蒸排骨排骨有好多舊，蒜蓉都落得重手，有好香嘅蒜蓉味，底層鋪左啲南瓜吸晒排骨既肉汁香味，好惹味。名醬蒸美國鳳爪美國鳳爪好大隻，一籠有成四五隻，加埋蒸鳳爪嘅醬汁，香香地甜甜地都唔錯。陳皮山竹牛肉球你間點心鋪出名買牛肉，佢哋嘅牛肉球真係好足料，食落去唔係溝粉嘅味道而係真係食到牛肉味，一定要叫嚟食。鮮蝦腐皮卷腐皮卷炸得好香脆的，每一件入邊都包左先行，點埋喼汁嚟食好香口。脆皮韭菜餃韭菜餃係男友大愛，每一隻餃入邊包左爆多韭菜，香香煎一下已經好脆身，勁大陣韭菜味勁有滿足感。土魷香菇肉餅飯呢個土魷肉餅飯個肉餅勁足料，加埋少少豉油一齊食成餐飯非常之飽。