Add Some Thai Restaurant

营业中

休息中

開頭以為觀塘冇泰國野食，原來收埋左響駱駝漆！閒日夜晚去都full house，響觀塘真係幾受歡迎。前後order左幾樣野，最鐘意就係個軟殼蟹Pad thai！啲金邊粉好煙韌，加左韭菜同芽菜落去炒，所以好有口感。至於個味方面，酸酸甜甜，調得好適當，相當開胃。軟殼蟹有兩大隻，啖啖肉。椰青鮮蜆冬陰公湯啲蜆好大隻，又新鮮，肉質鮮嫩，一啲沙都冇。一路飲都食到啲嫩椰肉，個湯少少酸，少少辣，少少清甜。三小拼沙律，酸辣鳳爪啖啖肉，個汁好開胃。肉碎包香口，蝦柚子沙律啲蝦大隻又爽口。黃咖哩豬腩仔配薄餅黃咖哩帶少少椰香，大量雜菜，點薄餅幾惹味。