沾仔記麵食

营业中

休息中

間唔中就會想食下傳統粉麵，簡單但美味😋今日去左佐敦既沾仔記，一直都知道佢好出名係老字號，今次終於一試。雙拼（鮮蝦雲吞＋新鮮牛肉配幼麵）真心抵！雲吞大大粒，好足料，慢慢蝦肉，起碼有三隻蝦，而且蝦肉爽彈；牛肉嫩滑唔韌；湯底清甜，幼麵好幼滑帶少少鹼水味，另外$8加罐玉泉忌廉爽呀！ 三拼淨食（鯪魚球＋牛肉＋雲吞）鯪魚球大大粒而且好彈牙，有魚香唔腥，仲加入蔥粒更加香氣；淨食份量都好足，鯪魚球同雲吞有三大粒，仲要大量鮮牛肉。配埋低糖豆漿，唔太甜剛剛好。 油菜（菜心/生菜），夠青綠爽脆，淋甜豉油唔會死鹹。 街坊價錢，料足味正，貪心鬼必叫三拼，性價比爆燈！一定會返兜！