小越廚

营业中

休息中

早幾日去荃灣探朋友，大家都想食越南菜，就去附近的小越廚試下，店舖小小，但人客挺多，我想出品應該唔差。木瓜沙律，木瓜幾新鮮，好爽口，但不會辣，適合不太喜歡食辣的朋友。豬扒撈檬，份量十分，吉列豬扒好大塊，豬扒外脆內軟，味道幾好。撈檬幾爽口，撈檬汁與一般越式撈檬的有點不同，各有不同的口味。咖哩雞脾飯，好大碟，賣相吸引，咖哩好香，雞脾夠入口，汁料濃郁，配合黃羌飯，錦上添花。生蝦刺身，雖然不是很大隻，但有十隻，都算幾多，相當鮮甜爽脆，略嫌汁料不夠辣，辣一些更好味。海南雞，肉質超嫩滑，雞皮有種爽彈的感覺，加上汁醬好好味，如果有甜的濃豉油更正。牛油蛋椰咖央多士，份量十足，每件多士都有好大塊鮮牛油，加上咖央醬，食味豐富。整體而言，食物份量夠，價錢不貴，幾抵食。