越旺美食 (已結業)

大角咀出名多嘢食，今日去咗一間幾抵食、主打越南同泰國菜嘅小店食飯。呢度有得叫set，散叫都有好多選擇，我同朋友揀咗散叫。主食要咗馬來西亞蝦麵，麵底可以揀摻摻，味道都好有蝦味，好足料。另外叫左一個香茅豬扒炒飯，平時炒飯冇乜肉，但佢個炒飯有勁多件豬扒，食到啖啖肉。牛肉紙米卷好正宗，夾住牛肉、生菜、檬粉等配料，加埋酸汁好開胃。生菜包就改良到好溫和，冇乜辣味，店家另附上Tabasco，都幾特別。飲品叫咗一杯綠豆冰，有好香甜椰汁味，加埋綠豆幾夾！埋單$300有找，價錢親民，性價比幾高！