河內越式料理 (西洋菜南街)

营业中

休息中

呢日中午同屋企人去咗旺角呢間越南餐廳去食lunch，餐廳嘅環境唔錯，幾舒適。打開餐牌，見到有好多平靚正嘅越南菜，好吸引。主食方面，我哋點咗番茄蟹頭膏扎肉湯檬同埋順化蕃茄牛腩飯。湯檬嘅湯底非常香濃，落足料，啱晒鍾意食蕃茄湯底嘅朋友，除咗個湯底正，啲料都好豐富，包括有豆卜、蟹肉同埋扎肉，配埋芫荽，好惹味。牛腩飯入邊嘅牛腩炆到好入味，而且口感軟腍。小食方面，我哋點左香茅雞翼同埋越食炸蝦餅。飲品方面，我哋點咗經典嘅越南滴漏咖啡同埋椰汁三色冰，唔錯！