早上有野做，忙下忙下就變左食Tea了。餐廳標榜下午茶份量不變，一於就試試佢!
蜆港蝦頭膏酸辣海鮮湯河 ($62)
湯底酸中帶點微辣，配埋海鮮都幾夾~ 配料有青口、墨魚仔、蜆肉，配埋啲洋蔥、炸蒜，味道豐富。
河粉份量十足，食完非常飽肚。
越北綜合牛肉湯河 ($58)
湯底清甜，生牛肉肉味濃、牛腩片淋身、牛肉丸juicy彈牙，口感味道各有特色，牛魔王一定要試下!
清沅蒸粉包(兩件) ($22)
無食lunch就加埋小食啦! 蒸粉包係越南既特色餐前小食，材料以豬肉、香料為主，再以粉皮包住。
蜆港炸蝦餅 ($28)
唔似泰式既咁脆身，外表微微焦黃，蝦肉彈牙。
椰汁三色冰 (跟餐+$8)
非常足料，椰汁味濃。
薄荷青檸梳打 (跟餐+$8)
清新之選，解渴解膩。
