越味皇 (已結業)

今次呢到荃灣，咁啱見到呢一間越南菜，於是就入咗去啦。店入面嘅裝修好光猛，坐得好舒服。串燒牛牛肉用左香茅去醃所以食到好香嘅香茅味，d肉嘅質地完全唔硬，點埋個沙嗲醬就更加提升左個鮮味。唔錯唔錯😂牛油蒜蓉雞翼呢一個配搭好特別，之前冇喺任何餐廳食過咁樣嘅配搭。未食之前覺得呢個配搭有啲奇怪，但係食落口又覺得啲味幾好同埋幾夾，無乜兀突嘅感覺。益力多沙冰味道係好typical 嘅益力多味，但係冇出邊嘅益力多沙冰咁甜，比較清淡少少，飲晒都唔會覺得好漏檬粉方面，我哋叫咗豬頸肉撈檬。 呢兜嘢好大，份量足夠。另外，豬頸肉好入味，幾好食！ 喺醬汁方面，我哋可以自己加入喺枱上面嘅甜酸醬同埋辣醬，可以自己調較辣嘅程度，非常貼心。老虎蝦米紙卷份量好大嘅米紙卷，第一次食咁大卷嘅紙卷呀😂老虎蝦呢亦都幾大隻，呢度total有兩大隻蝦， 但係醬料方面，就只有甜酸醬可以點，入邊有冇乜沙律醬又或者係其他配料，味道清淡左啲，只係食到醬汁嘅味🧐兩個人叫做一個set同埋一啲小食，食到啱啱好！兩個人食到二百幾蚊，都算係幾平嘅越南菜！😛