真味鮮廚 (已結業)

觀塘被譽為九龍東嘅美食天堂，所以我都好鍾意去觀塘搵嘢食，咁啱今日冇食lunch，所以就決定夜晚要食大餐👍👍👍👍去到亞太中心樓下，真係選擇困難症發作，印象中之前社交平台見過‘真味鮮廚’呢個page，同埋好似都幾吸引，又係任食，合晒我何車😂一入到門口就係俾佢嘅飲品雪櫃吸引左，估唔到都幾有誠意喎。除咗平時普通啲嘅紙包飲品之外，仲有自己煲嘅竹蔗茅根、薏米水。飲呢啲飲品感覺罪惡感都少啲，同埋佢唔係好甜，超like😂講返主角先，呢度嘅玩法係先食雞煲再食打邊爐。雞煲嘅味道都算正宗，而且有得揀辣度，不過我地都係鍾意打邊爐多啲，所以叫咗兩round就轉戰邊爐😍因為打邊爐有一個更厲害嘅主角！就係龍蝦海鮮拼盤啊！龍蝦超級新鮮，龍蝦肉超級彈牙，肉質好鮮甜，應該真係即叫即劏😂仲有海蝦同埋魚等等，全部都好新鮮喎，有驚喜👍我略略數過佢嘅火鍋料有32樣，比起出面任食係相對少嘅。但係反而佢每一樣都做得好有質素，美國雪花肥牛唔會話好肥好難咬，仲有芝士竹輪卷，芝士味唔假！以任食嘅火鍋料黎計，佢嘅質素真係算係中上，冇咩可以挑剔👍最後埋單每人$258，呢個價錢買到屋企人同埋我嘅快樂，超值，係一間會再回頭嘅任食餐廳！