新南苑私房菜 (已結業)

一入黎就見到我最愛既marvel figure😍睇黎老細同我一樣係marvel迷。呢就有幾款火鍋放題選擇，我地擇左牛牛餐。鐘意食牛既人建議可以揀呢個，包飽到嘔😆😆。首先食雞煲，雞煲非常美味。我哋揀咗BB辣， 醬料味道濃郁。雞肉很嫩，食落好惹味。刺身拼盤勁多款式， 有三文魚，甜蝦，北寄貝，八爪魚，鮑魚等， 超豐富， 仲要勁新鮮，鮑魚好彈牙爽口，正。哈哈 食到呢道有5成飽，仲有打邊爐🙈仲有個煙燻豬肝前菜煙燻豬肝口感非常豐富，豬肝嫩滑同煙燻既香氣相互交融 ，煙燻豬肝味道濃郁而獨特，令人一試難忘，好特別既菜式。開始打邊爐， 我哋揀咗椰子花膠湯，味道清甜可口，椰香味比較清新，落牛牛前我地忍唔住先飲一大碗。任食牛真係超抵食，睇下幾多種類既牛😍全部都勁靚勁高質， 食落味道非常。佢地仲有提供各種不同既配料任食。可以盡情享受美食。超滿足既一餐。走前發覺午餐同21:30後都有優惠，Lunch 打邊爐任食只係$298， 另外唔同時段都推出左唔同優惠，仲要有英超睇，禁抵可以搵日約一班朋友再黎食過啦。