影片
更多
2020-01-12
147 浏览
今日想食得豐盛啲，所以就去咗食半自助餐，其實觀塘都多咗好多新酒店入邊有推出點半自助餐，即係叫一份主菜另外再俾你食自助餐，但係就唔會好似全自助餐咁咁多主菜類嘅食物。去到見到門口裝修都好靚。雖然話係半自助餐但其實食物選擇都唔少，沙律吧，芝士，火腿，生蠔，壽司刺身，海鮮，各種熟食同埋甜品應有盡有。首先飲咗個蟲草湯，個湯火候夠成個湯味道非常濃郁。跟住侍應會叫你揀頭盤同埋個主菜先，頭盤我揀咗鵝肝多士，厚厚嘅鵝肝配合香脆嘅法國麵包，濃郁嘅鵝肝味同香脆嘅口感正到痹！主菜我揀咗澳洲牛扒，五成熟剛剛好，外皮煎到有少少脆口，入面就係軟滑嘅半生熟牛肉，火力控制得好能夠將肉汁所喺入邊，等咬嘅時候能夠享受到豐富嘅肉汁，另外佢仲有個斧頭扒，下次去會試下。總括嚟講呢一餐睇得出廚師嘅用心，唔會因為係自助餐就忽略主菜嘅重要性，值得一讚👍🏻
去到見到門口裝修都好靚。
雖然話係半自助餐但其實食物選擇都唔少，沙律吧，芝士，火腿，生蠔，壽司刺身，海鮮，各種熟食同埋甜品應有盡有。
首先飲咗個蟲草湯，個湯火候夠成個湯味道非常濃郁。
跟住侍應會叫你揀頭盤同埋個主菜先，頭盤我揀咗鵝肝多士，厚厚嘅鵝肝配合香脆嘅法國麵包，濃郁嘅鵝肝味同香脆嘅口感正到痹！
主菜我揀咗澳洲牛扒，五成熟剛剛好，外皮煎到有少少脆口，入面就係軟滑嘅半生熟牛肉，火力控制得好能夠將肉汁所喺入邊，等咬嘅時候能夠享受到豐富嘅肉汁，另外佢仲有個斧頭扒，下次去會試下。
總括嚟講呢一餐睇得出廚師嘅用心，唔會因為係自助餐就忽略主菜嘅重要性，值得一讚👍🏻
张贴
