泰角海南雞 (已結業)

門口已經有五個大大只既雞引人注意⚠️古色古香泰國🇹🇭風情味，入去裏面裝修都有心機，有大量泰國的經典擺設。泰式無骨鳳爪($35)無骨真係食落好方便，尤其對於我呢種注重形象既女仔🤭就緊係要試下呢款禁方便唔洗吐骨既鳳爪🙈酸酸甜甜好開胃！椰汁珍多冰🥥(跟餐+$8)睇得出店家落好多椰奶，飲落都重椰香味，甜甜地好味道！可以解辣同埋當甜品禁💕泰式海南雞飯($55)店家選擇脂肪少的海南雞，堅持用新鮮雞製作招牌海南雞飯。肉厚但無脂肪，海南雞雞皮油潤肥美，雞油香氣撲鼻，雞肉亦有濃郁雞味，口感嫩滑不韌，雞肉入味軟腍。以雞油調味炒成的油飯作底，雞飯用上雞油、香茅、大蒜，以及自家的浸雞湯煮成，所以比較香軟油潤，每粒都帶有雞油香味。飯粒分明。雞肉蘸上秘制蘸雞醬料，薑茸、黑豉油，正宗惹味！🤤雞湯香甜清新，胡椒味十足。泰式海南雞冬陰功湯麵($60)泰國富有特色的酸辣口味湯品,主要食材有檸檬葉、香茅、蝦等，湯裏集合了酸辣甜鹹和濃濃的香料味道。好多店鋪既冬陰功湯極辣，難以入口。但呢間好驚喜，食到椰奶味同埋酸酸辣辣香香甜甜，唔會過辣！適合港人口味！😻