芝樂坊餐廳

咁啱係尖沙咀行街，又冇試過呢間嘅芝士蛋糕，所以決定去試下。呢度環境唔錯，坐得幾舒服，兩個人可以坐卡位，幾啱同朋友嚟食嘢傾偈。我地叫咗雞肉蒜香檸檬忌廉意大利幼麵同埋無敵紅絲絨芝士蛋糕。雞肉蒜香檸檬忌廉意大利幼麵除咗有蒜香味，仲有啲香草同埋蕃茄，仲食到少少白酒嘅味，唔會話好膩，加埋檸檬其實有啲清新，幾好食，但啲雞肉就有少少柴。無敵紅絲絨芝士蛋糕呢個蛋糕好大舊呀！但真係好甜好濟，食到一半就覺得太飽啦，不過都算好食，就係甜咗啲。