Darci by Aldou (已結業)

想同朋友去睇太陽花之前食個寫意的午餐，見評價不錯就走左黎試，兜兜轉傳，其實西鐵站F出口先係最近，行左一大段冤枉路後，去到尾位終於見到間餐廳。有啲菜式價錢有分中學生優惠同正價，叫咗個俄國牛柳絲配珍珠飯，如果中學生優惠價可以再平啲，不過可惜我哋已經不是了。哈哈。行過嚟太陽真的很囇，熱到我地就快溶了，所以我哋都叫咗杯凍芒果菠蘿茶消下暑。可能啲店員都見我哋出晒汗，菠蘿茶好快就黎左，酸酸甜甜，飲完真係透心涼。之後嚟咗個薄餅，本身覺得奇怪，個餐牌冇寫，不過見到附近啲人個個都食緊，就知道應該係跟餐送。點左黑醋汁口感幾過癮，有啲似印度薄餅，我反而鐘意唔點汁食。南瓜湯真的不錯，食到有南瓜蓉，真材實料。主菜都好快就到左，牛柳粒就食得多，牛柳絲就係第一次食，分量好足，醬汁滿瀉，牛味好濃，如果鍾意食牛，一定唔會令到你失望。好鍾意佢哋嘅佈置，特別張雲石枱真係好靚，影相一流。餐廳氣氛很寫意，忙碌城市的一片小天地。走時已經係下午茶時間，見到佢哋有下午茶放題，有意粉甜品，下次過來元朗可以考慮下。