大有餐廳 (已結業)

今日放工之後好肚餓，去咗屋企附近嘅茶餐廳叫外賣，舖頭唔算大，不過好似專做街坊生意。六點半左右到店，都唔係好多人，不過我係外賣買走。睇一睇個餐牌，一般想到嘅餐，佢都有供應，下午茶六點前再平啲。另外有常餐，同某一些特定嘅餐係包飲品。作為茶餐廳，餐選擇性都幾自由同多款式我叫咗個星州炒米同楊州炒飯，飯嘅份量一般，夠食。炒飯夠味带有香氣，材料夠多，調味亦啱啱好。星州炒米辣度適中，另外包一個湯，落足料。相信下次會再去試吓其他菜啦。