大有餐廳 (已結業)

不過不失下午茶餐喺電影中心睇完復仇者聯盟4，喺附近見到有呢間茶餐廳，都有唔少人食，所以入去試吓佢，醫下肚。下午茶餐都有唔少選擇，一般經常食嘅西多士、炸雞翼、炸雞比、薯條都有，另外仲有粉麵餐，連炒粉麵飯都有。叫咗一個豬扒包餐，同埋一個乾炒豬扒意粉。兩個餐都不過不失不過，值得留意係佢嘅炒粉麵飯其實份量都唔多，餓底可能要留意吓。有一個地方扣分嘅係我叫凍檸茶少冰，但係佢就幫我少甜，不過都費事叫佢改返，照飲就算。

Lunchtime又隨便入一間茶記食常餐食到厭 想叫下飯其實我好想食咖哩牛腩 但今日個餐牌冇 所以我決定叫 咖哩牛脷其實咖哩同飯都ok ge飯米粒粒分明咖哩係港式煮法牛脷都整得好食不過其實我唔係好鐘意牛脷既質感所以感覺一般叫左holic沖得幾好飲

今日放工之後好肚餓，去咗屋企附近嘅茶餐廳叫外賣，舖頭唔算大，不過好似專做街坊生意。六點半左右到店，都唔係好多人，不過我係外賣買走。睇一睇個餐牌，一般想到嘅餐，佢都有供應，下午茶六點前再平啲。另外有常餐，同某一些特定嘅餐係包飲品。作為茶餐廳，餐選擇性都幾自由同多款式我叫咗個星州炒米同楊州炒飯，飯嘅份量一般，夠食。炒飯夠味带有香氣，材料夠多，調味亦啱啱好。星州炒米辣度適中，另外包一個湯，落足料。相信下次會再去試吓其他菜啦。

又係油麻地做野, 又係為左杯紅豆冰而去大有餐廳食午餐ABCDE, 雖然次次都覺得好有罪惡感, 一杯紅豆冰可能已經有成碗飯O既卡路里, 不過一場黎到, 無理由唔轉紅豆冰架?由於次次都係睇人食乜就揀乜, 今次就決定已經揀! 揀左個冇人叫O既生炒牛肉飯無人叫果然係無人叫, 一上台就覺得有小小伏!望落好細碟, 一碟炒飯平鋪係碟上面, 我果陣就係到諗究竟我使唔使嗌多個飯黎食,食落, 其實同一般炒飯差唔多, 係少D 叉燒, 少D 蝦, 少D蔥, 少D 生菜咁但又食唔出牛肉有咩味, 個炒飯愈食愈寡........最後都飽O既

聽講以前哩間餐廳係間麵鋪, 老闆因為食材問題唔再做落去, 依家轉左手變左間茶餐廳, 係哩頭做野有時都會去哩餐廳, 除左就腳之外, 就係附近有得DOO 兩蚊,去油麻地站答地鐵又平兩蚊哩間野平時放飯時間就好多人, 最好就早少少到, 如果唔係就要係門口等一輪其實LUNCH食茶餐廳, 都係午餐ABCDE,  每次揀, 都係揀多人揀果個餐,今次就係揀左窩蛋牛肉飯, 但我就穩陣D轉做熟蛋, 不過哩間野最特別O既地方就係轉紅豆冰竟然係同轉凍飲同價, 都係加兩蚊,  咁平無理由唔轉架個牛肉飯其實同肉醬意粉個肉醬差唔多味, 如果將個飯轉做意粉就直情係肉醬意粉, 不過不失啦!紅豆冰就正常演出, 總體黎講都係滿意O既!

喺油麻地度附近有野做，見仲有時間就食返餐先。叫咗早餐A，有羅宋肥牛麵丶餐肉煎蛋丶蒜蓉多士加飲品。羅宋湯底好夠料，有唔少蔬菜同埋肉碎，麵嘅份量都好足夠。而餐肉煎蛋同多士就一般。餐飲要熱檸茶，唔錯。值得一提嘅係服務唔錯，招呼得幾好。一個餐$30唔貴，值得推薦！

探父母時間又到了，在樓下食個早餐先。此店舖位置之前身是一間好有名的魚蛋粉麵店，現在 變了普通茶餐廳。早餐款式不少， 價錢亦合理。order 了一個双併粉麵早餐。 我點選鮮牛肉及芝士腸麵，加杯熱奶茶。要提提喜歡吃辣的人士， 不可錯過此店的十XO辣醬，好正呀！牛肉又有鮮味， 芝士腸卜卜脆。 碗麵上枱時 ，熱騰騰有煙出。杯熱奶茶上枱時又是熱騰騰有煙出，而家好少見到這麼熱的奶茶了。