串過鷄 (已結業)

今日去開觀塘揸開車，見肚餓三點想食過下午茶，見呢間店細細，價錢又幾親民，坐低嘆個tea! 原來呢間店夜晚係主打串燒，可惜我地太早到，未能一嘗佢招牌菜。今次食住其他主食粉麵先，要左蟲草花花膠雞湯粉絲，份量大大碗，啲雞食落好入味，岀奇地嫩滑，個粉絲索晒個雞湯，好鮮甜入味。另外叫左雞寶雲吞撈麵，雲吞用雞肉製成，好彈牙，大大粒，幾特別，撈麵既份量都好多，跟餐加$6有餐飲，要左杏霜同菠蘿冰，好懷舊既味道。我地仲叫左個小食，一口花膠，呢個冷盤泥，辣辣地好開胃，花膠彈牙，好味。整體餐廳好抵食，仲食得好飽，觀塘真係有好多小店，不妨一試！