滿屋日本料理 (大鴻輝(荃灣)中心) (已結業)

今日去到荃灣做嘢見到有間叫滿屋嘅自助放題，因為之前食過旺角午餐不錯，所以就上咗去試一試，上到去座位都算幾寬闊，而且嘢食方面質素都唔錯。今次我就叫左一個夢幻特飲芒果特飲，飲落味道唔差，有芒果味而且吾太甜，喺度當然就唔會唔叫刺身啦，刺身方面叫了唔少嘅類型，質素都唔錯，而且十分之新鮮，食落去如有仲保持到魚油香，整體都唔錯。壽司方面，款式不少而且細細件刺身質素不錯，鰻魚壽司同左口魚有少少大微燒，味道都OK。仲有卷物有驚喜的香芒凍蝦沙律卷，芒果十分之甜，配上沙律醬唔使落豉油都十分之好食。海膽手卷，細細件海膽夠味道，都正常不錯。當然有我最愛嘅燒菠蘿啦，這裡燒得啱啱好，十分之甜，食完之後忍不住再叫多咗一次，和叫埋鹽燒雞翼，燒得乾身味道都幾好。想食熱食都不少選擇，最後就選擇左一個至尊蟹黃海鮮粥，粥底味道都唔錯，夠綿身，蟹都有唔少，食落都幾鮮甜。而且這裏仲有唔少嘅生果同甜品選擇最後就攞咗一啲生果同埋豆腐花冇諗過係原來仲有一張點雪糕只可以攞到出邊嘅貴價雪糕有驚喜整體來講個質素都同夜晚差不多幾好食而且價錢亦都唔貴可以再嚟試吓