樂天大喜屋 (已結業)

今次我哋嚟到樂天大喜屋，係因為朋友生日，而且佢又鍾意食放題嘅關係，今次我哋專登訂咗位，所以一等冇耐就可以入去食入到。去見到選擇都真係幾多，而且仲有一大個嘅飲品櫃，當然我哋就即刻攞嘢飲啦，這裏有比較特別的維他檸檬冰，味道都竟然唔錯，而且仲有其他唔同嘅汽水選擇。食品方面又有凍盤，又有刺身，熱食和湯之類，我哋每款都叫咗一啲嚟試一試 。凍盤青口味道都ok配上醬汁整體嚟講都唔錯，壽司方面整體嚟講都係算新鮮，而且款式多 。特別海膽手卷，海膽都鮮甜新鮮，有當然佢仲有一啲特色嘅壽司，如花之戀或者係三文魚碎海膽 ，份量都係細細粒買多幾粒都唔會話覺得好飽 。刺身選擇就同其他出面嘅差不多，但是佢嘅新鮮質素都有驚喜，特別優我最愛嘅三文魚 ，鮑片，帶子，蝦之類，食完勁滿足。熱食有之前朋友推介嘅牛肉，食落去真係味道唔錯，牛肉啱啱好熟又香又軟熟，湯有人蔘雞湯，味道有帶點人參味，但係唔會話十分太重，整體嚟講味道都唔錯，而且佢哋仲有味道都不差嘅羊架和魚， 最後再食埋甜品都已經十分飽肚。