小曼谷泰國美食站

营业中

休息中

今日去左我認為全香港最好食嘅泰國餐廳食lunch，佢個lunch 超抵，六十幾蚊有好多選擇，船麵炒河肉碎飯都有，仲要本身已經包左冬陰功湯同埋龍眼冰或者龍眼茶。 先講個冬陰功湯，湯底酸中帶辣，喺食飯之前飲勁開胃，有同事怕辣我仲飲埋佢嗰碗，超好味。今日叫左泰式燒牛柳船粉($68)，首先牛柳嘅份量真係好多，數過有成10舊咁好，仲要個牛柳係燒得勁香，啖啖咬落去都勁香牛肉味，加埋船麵嘅濃湯一齊食超正，個金邊粉都吸晒啲湯汁同埋牛柳嘅味道，仲有通菜，有肉有菜有麵營養豐富。