火五越式牛肉粉專門店 (華生樓) (已結業)

生牛肉粉$46牛肉薄切唔韌，口感比市面好多生牛肉粉既牛肉好，湯底味道適中，肉同粉既份量十足，唯獨粉條癡埋一舊舊，好似未煮開咁，食落一大舊粉味，口感欠佳。火五麻辣酸菜雞絲湯粉$48湯底食到辣味多，少量酸味，唔算好麻香，味道偏淡，有好多無骨雞肉，少量酸菜，粉條狀態同上。意大利黑醋汁蒜蓉牛油雞翼$58推薦雞翼炸得幾香脆而且粉漿唔算厚，肉面有大量蒜粒同芝麻，食落有香濃既蒜味及牛油味🤤加埋黑醋酸酸甜甜解膩，味道唔錯。蔬菜長春卷$28推薦👍🏻春卷炸到脆卜卜，皮唔幾薄幾香脆，食落有紅白蘿蔔、西芹之類，爽口唔肥膩，外脆內軟熱辣辣🤤味道甜甜咸咸😋唔經唔覺就食左1.5條真係好邪惡。整體來講，呢度既小食做得唔錯，粉麵就普通d，但夠大份抵食。