今次入去搵媽咪,
所以想同佢食餐好既,
依間野好似係讀書時已經存在,
今次經過見到又幾抵食咁,
所以就決定一試。
1
我地選左最晚時段, 所以特別平,
以為咁夜入場會無咩野食,
點知仲不停補緊野食,
而且人客都keep住入場,
見黎得既都係拖鞋Hea衫,
應該都係街坊, 證明係常客,
應該真係好食。
一開始會問我地要唔要要加錢加牛油紙鋪底,
可以吸油同無咁易燶,
決定食得健康, 所以要左。
野食既種類十分多, 因為太餓,
於是飲左碗湯先,
好淡既湯, 但味道材料足,
證明無加咩味精,
再黎叫左壽司同刺身,
單次份量都唔小, 看起來亦新鮮。
開始燒肉啦!
不得不提個金莎骨好好食,
仲有秘制叉燒都係必試!!!
好軟熟, 好香。
一碟又一碟既肉食到飽,
蔬菜款式亦多,
最後仲食埋甜品,
款式太多, 又好飽,
只拎左其中一小部份,
個人最中意食木瓜布丁,
一口氣食左3個,
最後好滿足咁番屋企!
媽咪都話好抵食, 又可以坐得耐,
食左成2個鍾, 真係好抵。
