福星海南雞 (已結業)

表姐孫仔出世，同阿女上去佢長沙灣屋企探望下，走的時候經過元州街，見到有間餐廳叫福星海南雞。餐廳裝潢以綠色為主調，燈光明亮，主打泰國菜，見餐牌上面全日套餐都好抵食，於是乎我哋就入座試吓！二人福星套餐，套餐內容都有好多選擇。餐湯清甜，見到有冬瓜和雞腎。福星海南雞半隻： 海南雞嫩滑可口，皮薄爽滑，雞肉味道濃郁且已經去骨，啖啖肉配上惹味的泰式酸辣醬、黑醬油和薑蓉，味道更佳。還有一隻溏心蛋又香又滑。綠油灼時菜：顏色碧綠，加少許蠔油，味道脆嫩甘甜。泰式豬仔脾：份量都幾多，豬仔脾已經去骨，炆得軟腍嫩滑，皮彈肉嫩好入味。油飯吃起來鹹度啱啱好且十分順口。炸春卷即叫即炸，餡料飽滿，香脆可口！餐飲：凍檸茶、凍咖啡甜度適中，夠香濃。