爆谷雞 (已結業)

近期因兼職而多了在西營盤搵食。聽聞高街這間韓式炸雞店「爆谷雞」午市幾抵食，這天便和同事一嘗。鋪頭細細間，幸好我們過了下午二時才來，所以好易搵到位。坐下後老闆娘放下一小碟泡菜及醃蘿蔔，更話吃完可再加，又不忘介紹菜牌，服務態度甚佳。Order了一個$68的炸雞配飯糰及沙律，等了十幾分鐘後食物來了，又真係幾大堆頭，炸雞有一半雞塊一半雞翼，合共都有七、八件。調味剛好，味道不會剛鹹。沙律菜配微酸的汁，頗開胃。微微辛辣的橙色飯糰有幾粒，正好一啖一口，不過大胃口者可能會唔多夠喉。朋友則叫了炸雞配泡麵，兩者分開上，感覺都算足料。兩個午市套餐都包一罐韓國來的soft drinks。及後同朋友share一個韓式蛋卷，蛋卷內有點什菜，蛋鬆軟不會過熟，感覺濕潤，還有芝士拉絲呢，不俗。我同朋友都覺此店食物不俗，性價比唔錯，而且看鄰桌吃一大碟炸雞配啤酒好爽好吸引，相信我應會再來。