九重鮮 (已結業)

朋友屋企有鐵板爐，間中就會邀請我哋去食鐵板燒，今次由我哋負責買食物， 我哋就去咗黃埔九重鮮叫咗家用版海鮮串燒套餐。套餐包括三款海鮮(本地帶殼蠔、海蝦及海蜆) ，16款串燒/燒肉/蔬菜各2串， 前菜泡菜一份，咖哩牛肉飯一份， 甜品兩份，餐酒一支，足夠3-4人食，好豐富又抵食。有幾款我特別喜歡食：本地帶殼蠔 - 燒完之後，仍然好有海水味，算肥美。牛脷串 - 厚薄適中，好軟淋。墨魚鬚串 - 鮮味爽口又唔會韌。翠玉瓜豬肉串 - 翠玉瓜夾脆，豬肉有肉味。支紅酒又幾好飲，配鐵板燒一流。