盈暉海鮮酒家 (已結業)

星期日本想喺新城市廣場食晚飯，點知周圍都排曬隊等位，於是就揸車去第一城碰下運氣，果然見到呢間酒樓有位，再加上在酒樓門外見到有晚飯優惠三寶，於是决定在此吃晚飯。原來五個人只可以選擇一個優惠三寶，於是叫咗三寶之一 嘅生劏大海龍躉斑二食、再加豉汁涼瓜炒鵝腸、鮮腐竹瑤柱浸時蔬和招牌咕嚕肉。生劏龍躉斑二食 一食係翡翠炒斑球，另一食係蒜蓉蒸頭腩。翠玉瓜炒斑球分量都算多，不過新鮮程度一般，至於蒜蓉蒸斑頭腩，都算惹味，只係唔夠鹹。豉汁涼瓜炒鵝腸冇厘鑊氣，鵝腸炒到縮曬水，失敗之作。鮮腐竹瑤柱浸時蔬時蔬係用油麥菜，有少少苦澀味，瑤柱少得很，齋得嚟冇味道。招牌咕嚕肉份量好多，味道唔錯，侍應話係用黑豚肉，不過可能肉太瘦，有啲靱。呢餐飯只可以話抵，唔講得好好食， 不過以龍躉斑二食只收$108來說，就真係好抵。