影片
更多
2022-04-05
24 浏览
食過幾間銅鑼灣嘅燒肉店，呢間算好抵食，有好多款套餐，幾十蚊就可以食到燒肉，而且仲有好多勁抵嘅丼飯，$38都有交易。上到去都唔少人，不過座位勁闊落，疫情關係兩個人坐咗張4人枱，好舒服，餐廳環境都好新淨，冇乜油煙味。我哋叫咗燒肉套餐、小食同埋壽司。日本名水豚五花餐，$88呢個係豬肉餐，日本嘅豚肉不嬲都好味啲嘅，呢隻一啲都唔肥，怕肥又唔食牛嘅朋友啱晒。每款套餐都包沙律、飯，加$4仲有嘢飲，而且冇加一。紐西蘭肉眼扒套餐，$88肉眼扒好大塊，肥瘦適中，成塊燒到三成熟我先剪開佢，再燒入面，大概7成熟嘅時候食，都重嫩同埋牛味重，唔錯。因為套餐好似抵過單點，我哋仲叫咗個三種肉嘅餐，包日本A5和牛肩胛、美國牛肩胛、日本水豚三種肉，都係$138咋，A5和牛當然係最好味，油脂味好重好香。另外可以無限加錢叫小食同埋海鮮，雞翼勁抵，有3款，我哋全部試晒，都好好味呀。燒蠔同元貝都好唔錯，因為加咗就牛油，好香。朋友好食得，於是乎又加咗幾件壽司，估唔到燒肉店嘅壽司有咁嘅質素。最後當然係甜品，加$12就食到movenpick雪糕，仲平過超市，梗係要食啦，佢哋嘅跟餐小食、跟餐飲品都係無限加配，真係好滿足☺️
上到去都唔少人，不過座位勁闊落，疫情關係兩個人坐咗張4人枱，好舒服，餐廳環境都好新淨，冇乜油煙味。我哋叫咗燒肉套餐、小食同埋壽司。
日本名水豚五花餐，$88
呢個係豬肉餐，日本嘅豚肉不嬲都好味啲嘅，呢隻一啲都唔肥，怕肥又唔食牛嘅朋友啱晒。每款套餐都包沙律、飯，加$4仲有嘢飲，而且冇加一。
紐西蘭肉眼扒套餐，$88
肉眼扒好大塊，肥瘦適中，成塊燒到三成熟我先剪開佢，再燒入面，大概7成熟嘅時候食，都重嫩同埋牛味重，唔錯。
因為套餐好似抵過單點，我哋仲叫咗個三種肉嘅餐，包日本A5和牛肩胛、美國牛肩胛、日本水豚三種肉，都係$138咋，A5和牛當然係最好味，油脂味好重好香。
另外可以無限加錢叫小食同埋海鮮，雞翼勁抵，有3款，我哋全部試晒，都好好味呀。燒蠔同元貝都好唔錯，因為加咗就牛油，好香。朋友好食得，於是乎又加咗幾件壽司，估唔到燒肉店嘅壽司有咁嘅質素。
最後當然係甜品，加$12就食到movenpick雪糕，仲平過超市，梗係要食啦，佢哋嘅跟餐小食、跟餐飲品都係無限加配，真係好滿足☺️
张贴
