616牛肉火鍋專門店 (已結業)

新年新氣象，初抵黃埔貴境工作報到，午飯當然毫無頭緒，唯有隨處搵下有咩好西食。見到呢間專食牛既店舖，價格相宜，裝潢又具特色，但奇怪無咩食客。而想安安靜靜食餐飯既我，就即管試下。叫左個古法牛筋腩飯，只係48蚊，有飯仲有飲品。一食落口，牛味十足，而且花椒八角果皮味香，調味一流。碗內仲見有薑同月桂葉，真係新鮮足料。配料白蘿蔔又好入味。但莫講成碗牛腩，淨係個牛腩汁都足以令我食多幾碗飯。飯係珍珠米，香口軟熟熱辣辣，無諗過平價餐廳都可以咁高汁。不過美中不足係D牛坑腩烹調時間未夠，所以未紋得鬆軟。如果再鬆軟D, 咁就完美啦。