55
7
7
等级3
55
0
2025-05-01 0 浏览
之前食過佢嘅片皮鴨,唔貴另加小菜質素都唔錯。見佢有片皮鴨放題,KXday coupon都幾抵,買來試吓。一坐低就上三個頭盤,以人頭計,每人有一隻茄汁大虎蝦,燉湯同埋五頭鮑魚,呢三款只係上一次嘅啫,唔係任食,但係三款質素都唔錯,鮑魚好腍,個蝦好彈口夠新鮮。任食部份款式都唔少,飲品仲有果汁先生同紅白餐酒,我同老公戰鬥力其實都普通,淨係試咗圖片嗰啲,應該有五份二嘅嘢都冇試到,3小時放題,我哋其實食咗個半鐘都已經飽,坐咗兩個鐘頭左右就走。但所有嘢全部都好食,全部都夠熱,上得都好快同埋都冇漏單,片皮鴨主角正常水準,個炒麵夠乾身好味,唔係怕飽,我哋都想叫多次,老公好欣賞個炸生蠔,裏面隻蠔好大,個蝦仁炒蛋我覺得相當唔錯,隻蝦好大隻同埋都好新鮮,炸豆腐好脆,連最尾個紅豆沙我都覺得好好食。唯一有少少令人唔太愉快就係有一個侍應嘅態度好麻麻,因為我哋後尾想叫兩杯橙汁,諗住費事又寫一張紙就同佢就咁叫,佢話我哋要入紙落單,佢態度就唔係咁好,之後我有同佢講原由,其他服務員嘅態度就幾好,但見之前有人講話服務差。
更多
之前食過佢嘅片皮鴨,唔貴另加小菜質素都唔錯。見佢有片皮鴨放題,KXday coupon都幾抵,買來試吓。
一坐低就上三個頭盤,以人頭計,每人有一隻茄汁大虎蝦,燉湯同埋五頭鮑魚,呢三款只係上一次嘅啫,唔係任食,但係三款質素都唔錯,鮑魚好腍,個蝦好彈口夠新鮮。
任食部份款式都唔少,飲品仲有果汁先生同紅白餐酒,我同老公戰鬥力其實都普通,淨係試咗圖片嗰啲,應該有五份二嘅嘢都冇試到,3小時放題,我哋其實食咗個半鐘都已經飽,坐咗兩個鐘頭左右就走。

但所有嘢全部都好食,全部都夠熱,上得都好快同埋都冇漏單,片皮鴨主角正常水準,個炒麵夠乾身好味,唔係怕飽,我哋都想叫多次,老公好欣賞個炸生蠔,裏面隻蠔好大,個蝦仁炒蛋我覺得相當唔錯,隻蝦好大隻同埋都好新鮮,炸豆腐好脆,連最尾個紅豆沙我都覺得好好食。
唯一有少少令人唔太愉快就係有一個侍應嘅態度好麻麻,因為我哋後尾想叫兩杯橙汁,諗住費事又寫一張紙就同佢就咁叫,佢話我哋要入紙落單,佢態度就唔係咁好,之後我有同佢講原由,其他服務員嘅態度就幾好,但見之前有人講話服務差。


10 浏览
0 赞好
0 留言
18 浏览
0 赞好
0 留言
21 浏览
0 赞好
0 留言
22 浏览
0 赞好
0 留言
39 浏览
0 赞好
0 留言
62 浏览
1 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2025-04-20
用餐途径
堂食
人均消费
$192 (晚餐)