何俊記

营业中

休息中

又去石湖墟熟食市場搵食了，平時食得多粉麵同米線，今日試下其他餐廳，來碗燒味飯吧。"何俊記"位於熟食市場正中心，舖位都算大，除咗有燒味飯外，亦有車仔麵及炒粉麵，平均都係三十零蚊，夠晒抵食及多選擇。今日叫咗最愛嘅叉燒燒鴨飯，燒味飯賣相一般，但燒味份量都幾多，由於無要求要咩叉燒，今次叉燒偏瘦同比較乾，燒鴨尚算唔錯，唔會燒得太乾，配埋燒味豉油味道幾好。伴碗有大量蔬菜，唔駛驚全碗飯得肉咁寡。呢度燒味飯雖則味道一般，但以三十幾蚊嘅價錢黎講算相當抵食。