韓牛牧場 (已結業)

去咗呢間位於登龍街既韓牛牧場食韓燒，揀咗世子牛盛120分鐘放題都已經夠食，有齊冷盤、前菜、刺身、壽司、肉類、海鮮、主食、飲品同甜品，平日晚上7點入座每位 $298😀 用qr code 落單，好方便，等落單期間每檯會送上一份6色刺身拼盤、4合海鮮燒烤拼盤、手作刺身韓牛壽司、韓國醬油蝦同埋法式羊架一份。刺身幾新鮮，海鮮當中我最鍾意就係蜆，無沙好鮮甜，之後都有encore，羊架好厚肉，得一件真係唔夠食，醬油蝦同韓牛壽司都有係韓國食到既水準🤤 餐廳用上德國寶韓式光波燒烤爐，無需落油，又無乜油煙，食完到走身上都無沾上燒烤味，值得讚👍 自助類有沙律、多款前菜和冷盤海鮮(翡翠螺，青口)提供，都多選擇 飲品類有好多韓國出品既飲品同汽水提供，啤酒/燒酒要另外收費 甜品類有韓國出品雪條同糯米滋提供，糯米滋竟然有orea 味揀😍推薦牛胸肉，有用韓醬醃過，輕輕燒2吓已經食得，又有牛味，呢款嗌得最多次😋