韓牛牧場 (已結業)

Menu比較難看，唔係幾清楚邊個餐包咩，最後要問侍應先知。侍應有D惡咁推銷較貴嘅餐，我地最後都冇叫到貴嗰個，因為我們冇人食鮑魚同埋海膽。最後叫咗個世子牛盛套餐（成人：$278 小童及長者：$158）嘢食嚟之前可以出去攞前菜，最鍾意佢有韓式泡菜、菠菜同埋芽菜😋特別嘅係有韓牛他他，但係唔係任叫。他他下面有舊飯，幾得意，都唔錯。同埋有韓式醬油蝦，醃嘅味道都唔錯。無煙燒肉係第一次體驗，係挺好嘅，但係比平時燒得較慢😅刺身原來係得一份...Menu寫住「放題」😶玉子壽司嘅玉子唔係好新鮮，飯好細嚿，但係都啱嘅因為放題唔好食咁多😅海鮮拼盤好大，我哋都食唔晒，都幾新鮮👌🏻肉都幾多選擇，牛扒較韌，薄切最腍。每位都有一舊羊架。有唔少炸物揀，有炸番薯、炸蟹柳、炸雞，炸餃子皮比較厚，但係餡都唔少想叫泡菜湯但係冇晒😵炒粉絲比較似住家菜😂賣相唔係太吸引，但係好大碟。放題好多嘢揀係抵食嘅💰，但係某D侍應態度一般😕。仲要咁啱嗰日部機壞咗，只收現金😵。我個人就唔會特登再嚟幫襯啦。