影片
更多
2021-07-04
73 浏览
今日朋友話想食烤魚，但佢又咁啱好肚餓，想揀啲任食嘅烤魚，經朋友推薦底下呢就黎左呢一間係太子嘅蚊蚊豬老火鍋，試吓佢嘅烤魚放題，估唔到質素真係好好。首先想一讚佢嘅湯底，我哋揀咗小辣嘅烤魚，佢嘅鍋底湯汁濃郁，辣味剛剛好，唔會話太辣，帶少少麻味，食落去都幾刺激😝。而佢採用嘅魚係鯇魚，佢嘅魚皮煎得好香脆，食落鯇魚嘅肉質鮮滑，食完都好想再加多一條🤪👍🏻，不過由於我哋想試吓佢嘅其他配料，所以就冇加多一條啦。講吓佢嘅餐前小食先，佢都有好多唔同嘅小食選擇，而且都係任食㗎，例如尖椒皮蛋、黃金炸饅頭、拍蒜青瓜等，真係好多選擇。另外想一讚嘅就係佢竟然有刺身任食，☺️☺️☺️而且刺身質素都好好，用料新鮮，例如三文魚、馬刀貝、同埋甜蝦等等，佢嘅刺身都係鮮甜新鮮！真係好少烤魚放題有埋刺身任食，呢個價錢真係好抵㗎。然後就係佢嘅火鍋配料啦，值得大贊嘅就係佢嘅安格斯肥牛，你望相都知道佢嘅用料係有幾靚😍😍😍，我哋叫完一碟又再叫一碟，真係食到停唔到口。佢嘅肉質肥瘦分布剛剛好，食落唔會話太油膩，而且真係好有牛香味，食得出係高質嘅牛肉。其他嘅火鍋配料，例如毛肚、牛肚、丸類、海鮮類等等，應有盡有～～😙 比埋大家睇佢嘅點菜紙就知有幾正！總
首先想一讚佢嘅湯底，我哋揀咗小辣嘅烤魚，佢嘅鍋底湯汁濃郁，辣味剛剛好，唔會話太辣，帶少少麻味，食落去都幾刺激😝。而佢採用嘅魚係鯇魚，佢嘅魚皮煎得好香脆，食落鯇魚嘅肉質鮮滑，食完都好想再加多一條🤪👍🏻，不過由於我哋想試吓佢嘅其他配料，所以就冇加多一條啦。
講吓佢嘅餐前小食先，佢都有好多唔同嘅小食選擇，而且都係任食㗎，例如尖椒皮蛋、黃金炸饅頭、拍蒜青瓜等，真係好多選擇。
另外想一讚嘅就係佢竟然有刺身任食，☺️☺️☺️而且刺身質素都好好，用料新鮮，例如三文魚、馬刀貝、同埋甜蝦等等，佢嘅刺身都係鮮甜新鮮！真係好少烤魚放題有埋刺身任食，呢個價錢真係好抵㗎。
然後就係佢嘅火鍋配料啦，值得大贊嘅就係佢嘅安格斯肥牛，你望相都知道佢嘅用料係有幾靚😍😍😍，我哋叫完一碟又再叫一碟，真係食到停唔到口。佢嘅肉質肥瘦分布剛剛好，食落唔會話太油膩，而且真係好有牛香味，食得出係高質嘅牛肉。其他嘅火鍋配料，例如毛肚、牛肚、丸類、海鮮類等等，應有盡有～～😙 比埋大家睇佢嘅點菜紙就知有幾正！
總嘅來講，呢個價錢簡直係抵到爛，佢嘅烤魚味道一流，火鍋用料靚，餐前小食同埋刺身樣樣齊，值得你一試再試。😍😍😍😍
张贴
