八拾台式火鍋燒烤放題

最近見創興有間好抵食既火鍋放題， 今日放左工就同朋友去試吓

我地揀左特上牛小排套餐，價錢只係$268一位， 已經可以任食牛肉同海鮮😋

7

湯底方面， 我地揀左香濃蕃茄豬骨湯 蕃茄味幾濃， 甜甜酸酸

肉類同部分海鮮可以用手機落單，而其他配料可以係自助區拎

除左火鍋配料外，自助區仲有炸物小食

牛肉質素都唔錯，美國封門柳好重牛味，而牛小排則較嫩

海鮮方面，鱔片同沙白都新鮮，鱔片肉質彈牙，魚味香濃，而沙白則令湯底更提升，肉質亦飽滿

冰櫃仲有烏冬，餃子同雪糕， 以$268呢個價錢嚟講，絕對收貨