八幡屋涮涮鍋 (已結業)

涼涼地成日都想打邊爐，我至鐘意食火鍋放題，有多元化選擇，啱晒我呢啲乜都想食嘅大胃王😈早排朋友帶我去咗瓊華中心嘅八幡屋涮涮鍋，合晒我心水，刺身/海鮮/牛肉全部有齊👍🏻放題有分90/120/150分鐘，我哋揀C4餐有150分鐘，如果喺社交平台訂位，仲有唔同優惠，例如半價或時間升級至4個鐘😱呢度新裝修冇幾耐，店面勁大，卡位為主，全部勁寬敞，場內仲有達磨裝飾好可愛🇯🇵感覺好舒服。主要用QR code落單，款式勁多，日本A4黑毛和牛，黑豚肉，豚腩片等等🐂黑毛和牛真係正正子，油脂平均，牛味香濃。而海鮮拼盤都好靚仔，C4餐比其他餐多咗鮑魚，仲有大蝦/扇貝/大蜆等等，另外都有刺身/小食/炸物可以order，竟然有我小時候至愛煉奶饅頭，而家好少地方有得食🤭同埋推介大家必點珍寶帶子刺身，勁新鮮，口感好爽。自助區域都唔能夠忽視🧐丸類/蔬菜都有好多款，仲有其他熟食，連碗仔翅都有🤪最重要係乾淨衛生，好企理。最後食到超級飽🤣一定會再嚟，整體都好滿意，特別一讚呢度嘅員工服務都好好👍🏻