影片
更多
2020-11-23
89 浏览
今日同男友食火鍋放題，價錢抵食又多種類，真係咩都有，西式凍海鮮、沙律、芝士，仲有任食火鍋配料，甜品同生果……我地點左 $198/位，任飲任食2小時，有5款湯底選擇，也可加錢升級特色湯底，更有加錢任食刺身及升級牛及豬肉。有好吸引的凍海鮮及西式自選配料沙律，凍蝦好大隻，肉質爽口彈牙，蜆肉好爽嫩又無沙，青口大隻厚肉。連ham & cheese都有，有三款火腿及三款芝士，火腿都甘香帶咸，有脂肪香味，芝士原來三款都微軟身，味道濃郁。飲品唔算好多選擇，汽水類較多，還有茶及果汁類，個人偏好荔枝或茶，前者有果肉粒粒，後者清爽解膩。刺身船好有誠意呀，又靚又有氣勢。三文魚肥美豐腴；北寄貝好爽口又鮮味；希靈魚甜甜地，爆開脆卜卜魚籽好過癮；赤貝好鮮甜爽脆；蠑螺肉好厚身好好咬；左口魚裙邊好爽滑。泰式生蝦刺身配秘製醬汁，生蝦爽彈又大隻，配微辣帶酸甜醬汁，好開胃好正。我地揀左鴛鴦湯底，甜豉油微甜帶香，最岩涮牛肉；豚骨湯底味道香濃，最岩涮豬肉。牛肉係任食的，顏色鮮紅，脂肪比例剛好，入口香嫩，牛味鮮甜。豬肉好薄切方便涮熟，豬味幾重，唔算好肥，所以食完唔膩，肉質嫩彈好咬。海鮮一份有虎蝦、墨魚、蟶子、盲曹魚片，虎蝦好爽彈，
今日同男友食火鍋放題，價錢抵食又多種類，真係咩都有，西式凍海鮮、沙律、芝士，仲有任食火鍋配料，甜品同生果……
我地點左 $198/位，任飲任食2小時，有5款湯底選擇，也可加錢升級特色湯底，更有加錢任食刺身及升級牛及豬肉。
有好吸引的凍海鮮及西式自選配料沙律，凍蝦好大隻，肉質爽口彈牙，蜆肉好爽嫩又無沙，青口大隻厚肉。
連ham & cheese都有，有三款火腿及三款芝士，火腿都甘香帶咸，有脂肪香味，芝士原來三款都微軟身，味道濃郁。
飲品唔算好多選擇，汽水類較多，還有茶及果汁類，個人偏好荔枝或茶，前者有果肉粒粒，後者清爽解膩。
刺身船好有誠意呀，又靚又有氣勢。
三文魚肥美豐腴；北寄貝好爽口又鮮味；希靈魚甜甜地，爆開脆卜卜魚籽好過癮；赤貝好鮮甜爽脆；蠑螺肉好厚身好好咬；左口魚裙邊好爽滑。
泰式生蝦刺身配秘製醬汁，生蝦爽彈又大隻，配微辣帶酸甜醬汁，好開胃好正。
我地揀左鴛鴦湯底，甜豉油微甜帶香，最岩涮牛肉；豚骨湯底味道香濃，最岩涮豬肉。
牛肉係任食的，顏色鮮紅，脂肪比例剛好，入口香嫩，牛味鮮甜。
豬肉好薄切方便涮熟，豬味幾重，唔算好肥，所以食完唔膩，肉質嫩彈好咬。
海鮮一份有虎蝦、墨魚、蟶子、盲曹魚片，虎蝦好爽彈，比凍蝦還要大隻，墨魚入口柔軟微彈，蟶子係細隻的款式，鮮甜多汁，盲曹魚片超嫩滑軟腍又唔腥。
雞肉份量頗多，用雞腿肉好彈牙又啖啖肉，雞肉唔肥感覺較健康。
自助夾配料是任食的，多以台式配料及港式的午餐肉及丸類，豬紅大件又好味，芝心丸及爆餡蟹籽沙律丸都好吸引。
蔬菜款式比較多，乾淨新鮮，娃娃菜好吸湯汁，響鈴及山根都必食，仲有健康的秋葵。
除左火鍋放題及自助配料，仲有炸物、串燒、炸串，胃袋太full所以只食左串燒，有15多款真係好多選擇，個人喜歡蔥段豚肉卷，好香好惹味。連燒雞皮都有，燒菠蘿都好香好多汁，薄燒牛舌串好爽口，燒雞翼好香口唔油。
最後有甜品、生果同軟雪糕，生果有四款，哈蜜瓜爽甜多汁；紅肉火龍果清甜軟綿；菠蘿無渣超多汁；橙夠熟，所以好甜好多汁。
甜品較喜歡焦糖布丁，香甜細滑。另外2款小蛋糕個味唔會好重，都做得鬆軟好味。
雪糕有雲尼拿及綠茶，也可以扭紋要哂2個味，前者較好味簡單，加少少配料更靚更有咬口。
张贴
