一鍋堂 (大鴻輝(荃灣)中心) (已搬遷) 新店位置

聽講荃灣間一鍋堂裝修過，見佢裝修完梗係要黎試一試。空間感幾大，枱都好似長過同闊過以前，而家個位鬆動啲，食都食得開心啲啦。同樣門口入黎就左邊放曬菜同飲品任揀，右邊就係自助沙律吧，仲有凍蝦呀。一鍋堂嘅肥牛真係幾好食，淥耐左都唔會韌，而且牛味都重。蟹柳真係必點，好長好足料，淥幾秒就食得，係真蟹柳，而唔係仿蟹柳，所以好好食。菜方面就拎左娃娃菜，冰菜，菜心等等。菜都新鮮，都幾清甜。仲叫左牛栢葉，午餐肉，蝦，不過掛住食，有啲食物唔記得影相😂仲有唔同嘅丸，例如牛丸，貢丸等，都好彈牙嫁，好食。最後就食左兩杯乳酪，好滿足嘅一餐。