八鍋堂．中日火鍋專門店 (已結業)

星期三約左一位朋友係旺角食晚飯，本身諗住平日應該周圍都容易搵位，點知周圍都係人。由於朋友想食火鍋，經過兆萬見唔使等位就入左。我地叫左火鍋加日式放題，火鍋嘅配菜可以自己拎，基本上想食嘅都有，另外，牛肉、豚肉同羊肉都有食，品質唔差。日式放題方面，選擇唔多，因為我同朋友主要想食火鍋，所以都無所謂。燒牛舌同炸雞軟骨好好食，但好快賣晒。整體成個晚餐都滿意，即時入座，坐得舒服，埋單連加一每人唔使$200，係抵食之選。