同人鍋 (已結業)

山林道出名多火鍋店，今次同朋友聚會揀任食火鍋就最啱喇。$228無限時火鍋任食，送鮑魚海鮮拼盤一客，還可以加$48有麻辣雞煲。冰櫃裡的飲品全部任飲，有韓國芒果汁、汽水、烏龍茶，仲有三款自製飲料- 蜂蜜菊花露、酸梅湯、檸檬柚子。自製飲料可全Jar 拿走，方便一枱人share，又幾好喎。先來一客雞煲，洋蔥好甜、要了唔辣但都很惹味。然後加湯打邊爐，首先是海鮮拼盤- 有貴妃蚌、鮑魚、龍蝦、海蝦、花甲、鮮魚片等。海蝦都算新鮮、龍蝦超大隻啖啖肉、鮮魚片則比較多骨，吃時要小心。番茄海鮮湯底很濃，貴妃蚌大得很誇張。安格斯肥牛丸拼盤當中黑椒馬蹄貢丸最好食，貢丸裡有洋蔥粒，咬落爽口又甜。小妹吃完雞煲跟海鮮拼盤已飽了一半，還有很多想點的東西沒吃到。其實餐牌提供的食物很多選擇，建議細食的朋友可不點雞煲，直接吃火鍋，可多試幾款。