OPPA韓國燒肉店 (已結業)

天氣凍冰冰就好想食韓燒，經過見到呢間有江南海鮮燒肉放題$368，可以任食和牛同有個海鮮拼盤，就入咗去食。裏面場地夠大入到去都唔會煙霧瀰漫佢個煙風系統做得好好。個餐包有鹿兒島牛柳粒、加拿大牛排骨、無骨牛肋肉，美國牛小排，封門柳，A4 黑毛和牛有牛肩肉同三角腩，澳洲和牛就有牛脷同牛下腩。豬腩肉豬腩肉位於豬的兩邊，在肋骨的後下方。可以由邊切出的肋骨稱為排骨。品質超班的五花腩肉，放上碳爐上燒烤，豬肉的油脂在烈火猛烤下全逼出來，外皮燒到金黃色，口感焦脆，肉質卻非常多汁鮮美，烤好後立刻用生菜包著送入口中，份外美味。和牛有好多和牛的不同部位，澳洲和牛舌，口感十足，彈牙又唔軔！A4 黑毛和牛三角腩油脂分佈得好靚，雪花分明，入口即溶！M6 澳洲和牛下腹腩，下腹腩是肌肉位，比較彈牙。油脂豐富，入口充滿牛油香，極之嫩滑! 仲有套餐的海鮮拼盤，有超長魷魚、蜆、帶子、鮑魚、虎蝦同多春魚，燒魷魚十分彈牙。