Burger Jobs (已結業)

早有聽聞佢個牛油果軟殼蟹漢堡，不過最近食得太油就嗌左xo醬軟殼蟹漢堡，本身已經有配薯角。等左大概十分鐘就有得食，個餐盤都幾有巧思，有比埋濕紙巾，夠貼心。薯角熱辣辣，個皮好薄，小小煙韌，不過嫌茄汁有啲少。食到最尾有啲倒汗水整濕左，就冇咁好食啦。個軟殼蟹都幾正，不過鹹左少少食完有啲口乾，個麵包烘左脆脆地，唔錯。蕃茄同生菜新鮮，個汁都夠。整體都幾好味，又夠飽，加十五元大洋就有汽水同沙律。環境光鮮，值得一試。