師兄漢堡 (已結業)

近排對漢堡好有興趣，今日就去左西營盤水街試一試<師兄漢堡>。

而家晚市無得堂食，唯有外賣拎返去食。望望餐牌，價錢相宜，幾抵食。我地叫兩個漢堡，小食同野飲，二百蚊有找。

沽嚕汁西班牙豚肉漢堡伴焦糖菠蘿，用中式醬汁做漢堡比較少見，幾特別。酸酸甜甜既豚肉再夾埋juicy既波蘿，好夾好開胃。

師兄慢煮手打牛肉漢堡，塊牛漢堡好香牛味，芝士又流哂出黎，好正。

鴛鴦炸燒賣，兩款饀，有豬肉有魚肉，唔同口感，魚肉彈牙，豬肉鬆軟。點唔點辣醬都好味。

黑松露蘑菇醬薯條，成盒醬好香松露。

冷泡原片荔枝紅茶同白牡丹茶，好解渴。